Meru FmMeru fm news

Rais Uhuru: Gutina mbeca jia kwongera kigina kiria gitengagirwa thirikari jia kaunti

Gutina mbeca jia kwongera kigina kiria gitengagirwa thirikari jia kaunti. Miario ino yumanitie na rais Uhuru Kenyatta uria auritie mangavana matige kuinyiiria matengerwa kimancha gia billion 335 kiri bajeti ya mwaka wa 2019/2020.

Akiaria nteere jia Gatanga kagitani ka mathiko ma ng’ina wa uria waari mubunge wa nteere iu Peter Kenneth niwe Rahab Wambui, rais auritie mangavana metikirie kigina kiria batengeretwe kia billion 310.

Oho rais niauririe abunge na Senators matige kuinyiria kaunti jiongerwa mbeca nkuruki na amauria manyiie micara yao kethirwa nimakwenda kigina nkuruki kiongerwa ki thirikari jia Kaunti.

Kagitani o kau rais niahere akenya mwihoko ati akaathi nambere kurwa na ngunkumo.

Akiaria kagita ga kuruguria kibanda kia BIDCO nteere jia Ruiru, kauntine ya Kiambu, mutongoria wa nthi augire atongoria monthe nimabaterie kugwatanira na thirikari kurwa na nkunkumo.

Miario ino ya rais nigwatirwe mbaru ni atongoria mangi matongoretue ni mutongoria wa ODM Raila Odinga na uria wa ANC Musalia Mudavadi.

Kiri mutaratara wa thirikari wa kurwa na mithako ya kamari, rais augire maticoka na nyuma mwanka riria kambuni ino ikariha igoti riria rigatetheria miradi mwanya mwanya ya thirikari.

Show More

Related Articles