Meru FmMeru fm news

Mukenya wonthe ura atikeandikithia kiri Huduma Namba atiumba kuwataga utungata bwa kithirikari, Matiang’i kuuga



Minista wa ukaria bwa ndeni Dr. Fred Matiang’i augiite barioroota kwandikithia antu million 41 gukinyia muthia wa mutaratara wa Huduma Namba.

Akinenkanira ntumiiri kiri nthi mantuni megie aria mutaratara uyu ukinyiite Matiang’i nongereete ati kiumia  giki bagaitia rurigi noontu barianjiria kwandikithia antu thaa kumi na ciiri cia rukiiri.

Matiang’i ariuga mukenya wonthe ura atikeandikithia atiumba gutua kuwataga utungata bwa kithirikari.

Matiang’i ariuga barienda kurikiria mutaratara huyu muthiani wa kiumia giki na gutiri na weeru bwa kwongeera kagiita na kwoogu akenya ibebandikithie na guingi kanyaani gaku gatigeere

Nkuruki Matiang’i ariuga ibathiite nambere na mutaratara wa kwandikithia antu bara bari nja ya nthiguru keenda batatigwa nyuuma kiri mutaratara uyu nau ukarika tariki 20 cia mweri wa 6.

Minista wa ukinyaniria na guume bwa ki iindi Joe Mucheru nawe nierite akenya batikegue bari na uguaya nuntu ntheto ciao ira beyaniite mutaratarani uyu itieyanwa nja na igakarua noontu waatho ibwakurukirue

Nawe minista wa kithomo Prof. George Magoha ariuga wanamacukuru ibanyageere gutigiira wa aana ibakwandikithua batigatigwe nyuuma.



Show More

Related Articles