Meru FmMeru fm news

Monica Kimani akuire niuntu bwa gwituura tharike nyingi, mukuuji wa mbere igambani riria rirumiririte Maribe na Jowie kuuga

Akuuji 2 nibakinyirie ukuuji wao kiri igamba ria uragani riria rirumirite mwandiki nteto Jacque Maribe na uria waari mwendwa wae Joseph Irungu wijikene ta Jowie. Bairi baba bariringithanua na kuraga muringi biashara Monica Kimani.

Umwe wa akuuji baba  ni Dr. Ndegwa uria wathinjire mwiri wa mutigairi Monica. Ndegwa niataririe korti ati mutigairi akuire niuntu bwa gwituura tharike kana damu nyingi.

Mukuuji wa bairi ni Jeniffer Jepskogei uria ni askari uria anenkanire mbica  jia aria  Monica auragirwe.

Kiri gikaro kia muthenya wa umunthi mbere ya igamba riu riambiria, rutere rwa nthitango nirukinyirie jiuria iria ibwiri gucokua gi kuragwa kwa Monica.

Akuuji bangi batikunyia  30 niberigiritwe  kuruta ukuuji wao ki igamba riri.

Show More

Related Articles