Meru FmMeru fm news

Korti ya Milimani kurekereria Robert Alai na cash bail ya mugana wa ciringi 300, 000

Korti riu nirekereretie mutambia wa nteto kiri mitambo ya ki riu Robert Alai na cash bail ya ciringi 300, 000. Alai, uria aratwiire rumande kuuma ntariki 19 cia mweri muthiru athitangitwe na maitia ma gutambia mbica cia maobica ba bolici baria bauragirwe ntharikironi ya  ki gaidi nteere cia Wajir ntariki 14 mweri muthiru. 

Alai nkuruki niathitangitwe na maitia ma gutetheeria gikundi kia ugaidi kia Al Shabaab naria kuringana na mugambithania wa korti ya Milimani Francis Andayi, nthitango ino irumiririte Alai iri na urito muno na akagwatikana na maitia aumba kweewa kibungo kia maisha.  

Igamba riri rikathikiirua ntariki 16 cia mweri uyu na ntariki 8 cia mweri wa August mwanka uyu. 

Show More

Related Articles