Meru FmMeru fm news

Mwekuru umwe kuragwa nteere cia Kibera guku Nairobi akigeria gucokaniira na mukuru waawe

Mwekuru umwe nteere cia Kibera niauragitwe na njira ya kumakania kagitani karia arageragia gucokaniira na mukuru waawe, nyuma yao gutigana gwa kagita ka mwanka umwe.

Irene Akello, uria ni ng’ina wa kaana kamwe, atiganire na mukuru waawe mwanka umwe muthiru na gucoka kiri aciari maawe kwao Busia kuria aratwire nkinyagia mweri muthiru riria abangire gucoka guku Nairobi. Kuringana na mwari wa ng’ina waawe, Irene amwirire gitumi kiawe kinene gia gucoka Nairobi ni gucwaa wira.

Agukinya Nairobi, Irene ekarire kwa mucoore waawe umwe gwa kagita kanini mbere yaawe kumwithurira mibango iu yaawe ya kugeria gucokaniira na mukuru waawe.

Nteto nkuruki iria itikiritwe kirore ni borisi ciugite mibango ino ya Irene itathie buria eciritie naria mwiso bururu aikirue cibitarine ya Mbagathi agitikagwa ni tharike na njira indito, kuria akuirire ntariki 18 mweri muthiru. 

Kuirngana na ithimi cia Post mortem, Irene ari mumuntage iu na kabiu na mara mawe matuikana. 

Ruteereni rwa muru wa ng’ina waawe Lawrence Opondo, mucie wao utari na umenyo no uriku ati Irene niageragia gucokaniira na mukuru waawe mbere ya gikuo kiawe.

Amwe na bubu, DCIO wa Kilimani guku Nairobi augite nteto ino nithiite nambere kurumirirua na ntumiriri inkinyaniru ikaejanwa ntariki 10 kiumia twitite.

Irene Akello akathikwa ntariki 8 cia mweri uyu kwao mucie.

Show More

Related Articles