Meru FmMeru fm news

Mukuru umwe nteere cia Kisii kuruma mwekuru waawe muromo kuumania na mateta megie irio

Mwekuru umwe wa mianka 39 kuuma nteere cia Kisii niathiite nambere kworia nguraro nthuku nyuma ya mukuru waawe kumuruma na gutua muromo waawe o amwe na gutu.

Jackline Kerubo, uria ni ng’ina wa ciana 6 aithuritie ati nguchanio gatagati kaawe na mukuru waawe ciambiririe kiumia kithiru kagita karia arumirie muturi wao manyoni kuuma mugundani waao, untu buria akanitue ni mukuru waawe.

Kerubo, uria aturanitie na mukuru waawe Pascal Omusolo kwa kagita ka mianka 21 nkuruki augite Omusulo amutharikire nyombani ya kuruga kana kitchen na kumubura mbere ya kumutua muromo na gutu. Augite mwana umwe waawe niwe amwonokirie kagita karia ethire akiburagwa nawe aringa ithe kiongo. 

Muthuganirua nathiite nambere gucerua ni borisi ondii chibu wa nteere iu Maryline Oundoh arombete antu maria magurene marombage utethio kuuma kiri ataalamu kagitani karia mateta ma kimucie maumira.

Show More

Related Articles