Meru FmMeru fm news

Arungamiriri 17 ba kambuni ya mithako ya kamari baria bagwatikanire bakiringa biashara ino guku Kenya gucokua kwao

Cs wa wikaria wa ndani na wathani wa matuura Fred Matiang’i niaetukirie gucokua kwao arungamiri 17 ba kambuni ya mithako ya kamari baria bagwatikanire bakiringa biashara ino guku Kenya batiina ruutha rwa thirikari.

Baingi ba arungamiriri baba baumite nteere jia Europe kuria bagwatikanire bakiringa biashara ino batina ruutha.

Kungi naku Matiang’i niameneretue niuntu bwa kurega gutiha watho kumania na itua riawe ria kwenda kambuni 27 jia kamari ihingwa.

Senators baugite itua riri riajukirue mutaratara mwega utithingatitwe na riaumba kwaragania utonga wa Kenya.

Oho Senator baba baugite antu a kuhingwa gwa kambuni ino thirikari yabaterie gwikira mutaratara  mwega wa kumurika mithako ino na kurigiria ukora ki mithako ino.

Nteto ino riu ikamurikwa ni kamiti ya bunge ya Senate ikonie watho iria igacunkuna maobica ba thirikari kiri mauntu makonie itua riri.

Show More

Related Articles