Mayian FmMayian Fm News

Ukur Yatani: Eterretene serkali tenkaraki ramatare enikikena ooltung’aana

Eibalie olministai oitasheiki ministry ooropiyiani, Ukur Yatani, eidipa serkali rreteni pooki naikenieki iltung’ana. Etolimuo Yatani nchere, eidipaki aishooi masaa pooki naasishoreki teina ramatare naiteru 24th Aug-31st Aug.

Ore egira ang’amaa ilasirak loolomon tenaakenya, etolimuo ajo eiteng’enaki iltasati lolkijiji le nyumba kumi, ooirimariyie ilopisaani  ooreu dukuya ina kikena.

Ore tombaa naipirta elototo olopisaani toomurua nemebaya ngarrin, etolimuo ilo ministai ajo kepuo aasishore ilpikipikini aabaikinye nena murua.

Eidipa naa serkali atalaa lelo opisaani le census eimu nambari oombenkin naishoitie, elaki lelo le nyumba kumi eimu lopisaani oitasheiki ena kikena te kaunti.

Eikilikuana naa iltung’ana le Kenya, meiruko aishooyo ilkiliku lenye, aa enkoitoi ena naretu serkali meitabaiki ramatare toonkaulele, lubot pooki eleosho.

Naa ore tenkalo olministai oitasheiki ilomon le technologia ICT Joe Mucheru, neibalakinyie iltung’ana le Kenya, ajo ore ilkiliku oipirta ninche ooikilikuanu ilopisaani le cencus, naa kepiki ewueji  neishaakino.

Etipikaki siii imbarakinot imashinini naasishoreki   teina kikena e digitali, pa ore ilomon oosotuni toonkajijik, neitabaikini serklai eitu einyali, neaishoreki teramaatre najo serkali easishore.

Show More

Related Articles