Mayian FmMayian Fm News

Kajiado: Eitu eikilikuanishore serkali ilarewak le bodaboda eton eitu eiminie sheria ngejuk e Insurance

Eitu elo serkali aikilikwanishore ltungana le bodaboda tenkaraki ncheriani nashomo apik serkali kitok esuju sheria elaata e Comprehensive Insuarance napuo alak lbiasharani le bodaboda telaari le biashara le 2019/20 tenelo aimie bunge olosho.

Ore esuju ina kitanapata eimu olministai lolchumati olosho Henry Rotich te budget naisumaki det,neshomo naa olopeny olosrika le bodaboda te kaunti Olkejuado, Fredrick Risa nchere eitu elo serkali aikilikwanishore ina rubata sapuk naibungita uchumi olosho neigerito nkalusuni olkijanani,neshomo naa aibalie nchere meidim atalak ina insuarance.

Eshomo naake dukuya ejo nchere kegol elaki ltungana le bodaboda neisulaki nkampunini e insurance ejo kumok lemelaki ejo keasisore mpisai kumok eingoru elaata e insuarance yioloti enaa Third Party insurance,eibalie nchere keishaa neikilikwani ltungana nduat enye eitobiritai ncheriani neisulaki naipirare bodaboda.

 

Eitodolua naake ilo arikoni osomit lenye ejo kelelek a enkoitoi nabo e serkali nalo aishu biashara e bodaboda nemetii lkasin atua olosho ejo bodaboda nagira aibung ilmareita olkijanani oisumate nemeeta lkasin.

 

Show More

Related Articles