KTVmohoro

Maumirira kuonania gutiri na ugwati wa murimu wa Ebola

Ministry ya Ugima wa Mwiri ni ikirite mukonde riboti iria irarekereirio kuuma mwena wa Kericho ciigii mutumia umwe uronekete na ndariri ihana ta cia murimu ugwati wa Ebola ugokorwo itari ciama.

Minister wa Ugima wa Mwiri Sicily Kariuki akirekereria ndumiriri kuri nyumba cia mohoro augite hatiri bata wa akenya guikara na hahu amu riboti ici ti ciama.

Augite maumirira maria maratabanirio kuri mutumia uyu wa ukuru wa miaka 36 monanitie ndari na murimu wa Ebola.

Mutumia uyu ekinyiri thibitari-ini uyu thutha wa gucokereria kuuma Malaba muhaka-ini wa Kenya na Uganda, akionekana ari na ndariri ihana ta cia murimu wa Ebola na maabithaa a urigitani kaunti-ini ino makihiuka narua kumuiga keheri-ini niguo guthaitira gutherema kwa murimu uyu.

Thakame kuuma kuri mutumia uyu iratwaritwo thukuru-ini wa uthuthuria wa ugima wa mwiri  wa Kenya Medical Reserch Institute (Kemri) na thutha wa guthimwo maumirira maronania murwaru uyu ndari na ndariri cia Ebola. Mutumia uyu ni athamiirio wadi-ini ya arwaru thibitari-ini nene ya Kericho riri arathii nambere na kwamukira urigitani.

 

Show More

Related Articles