Kameme FmKameme Fm News

Uthuthuria kuonania muiritu uria urathomagira Chuka University ni guitwo aitirwo  

Uthuthuria wa mwiri wa muiritu wa miaka 22 kuuma ituura tia Ndurumoini mwena wa Kahuhia Kiharu na urathomagira university wa Chuka wonanitie ati niguitwo aitirwo.

Mutigairi Maureen Wanjiku Mwihaki arakoretwo arikia mathomo university-ini ya Chuka na athiite mucii kwa muiritu muratawe uria wahumbagwo thumbi thutha wake kurikia mathamo university-ini ya Murang’a.

Uthuthuria uyu uratabanirio muthenya wa ira ni Dr. Kamotho Watenga mocari-ini ya thibitari ya Murang’a Level Five.

Kurerikana ati muthenya wa Juma hwai nirio aguthukirio thibitari-ini wa mundu kiumbe tauni-ini ya Murang’a na akirigitwo thiina wa gutorio ni njoohi na akiinuka kwa muratawe kuria mari ituuraini ria Kiharu.

Ndeto iria ina kiriga niuria murigitani uria wamurigitire acokire kumugira na ngaari yake kiumbe na itanya ria kumuguthukia akamukire urigiti thibitari-ini nene ya Murang’a no abithaa munene wa urigitani thibitari-ini iyo ya Murang’a Dr. Leonard Gikera akauga akinyirio ahurukite.

Riu family ina nganja kana mwana wao ni athiite thibitari-ini iyo magikuwa ati kwaya hihi no rekondi ciandikirwo kuhithania gikuu giake na makenda muriigitani ucio athuthurio na airitu 3 na anake 2 aria mari nao mamburaini ma party iyo kuona ona mwiri wa mutigairi ndwari na nguo cia thiinii.

 

 

Show More

Related Articles