Kameme FmKameme Fm News

ODM kuuga mena muihoko wa kuiyukia uhotani giturwa-ini kia umbunge gia Kibra

We will win! ODM vows as Imran gets ticket for Kibra by-election

Arumiriri ikumi a kiama kia ODM aria maranyotagira giturwa kia ubunge gia Kibra maugite nimekunyita mbaru Bernard Imran Okoth uria urahotanire tigiti wa kiama kiu thutha wa ithurano cia wamurani gutabanio muthia-ini wa kiumia kihetuku. Makiaria mari wabici-ini nene cia kiama kia ODM, riria Imran ekuheyagwo tigiti wa kiama kiu, atongoria acio maugire nimehaririirie kuhurira Imran marebe itemi-ini ria gutigirira niwe ukaiyukia giturwa kiu hindi ya githurano kinini kiria gitanyitwo gutabanio tariki mugwanja mweri wa Ikumi na umwe mwaka uyu. Ihinda-ini oro riu mutongoria wa kiama kia ODM Raila Odinga augire wira munene wa kuhurira Imran marebe na gutigirira nimaiyukia uhotani uguthukirwo mubunge wa Suna East Junet Mohammed.

Mwena-ini wake muikariri giti wa kiama kia ODM John Mbadi nioire mweke ucio gucokeria ngatho aikia a kura a mwena wa Kibra niundu wa gutabania ithurano cia wamurani na njira ya thayu.

Kungi nakuo njorua ya mubira wamaguru Donald Mariga augire niehaririirie kung’ethanira na aria othe marahuranira giturwa kia ubunge kia Kibra. Mariga arutire ndumiriri ino arigiikaro-ini kinene gia kiama kia Jubilee guku mucii-ini wa Nairobi hindi iria egutugagwo na tigiti wa kiama kia Jubilee kuhuranira giturwa kia ubunge gicigo-ini kiu gia Kibra.

 

Show More

Related Articles