Kameme FmKameme Fm News

Mundurume wa ukuru wa miaka 50 guikio ngono Murang’a

A 50 year old man has been arrested in Murang'a

Mundurume wa ukuru wa miaka 50 niaraikirio ngono muico-ini wa kiumia, agikuruhanio na kuragwo kwa mutigairi Samuel Muthee Mbogo utuku wa mweri 12/5/2018  na uria nginya gukua gwake uria wari  murutani munene cukuru-ini wa sekondari wa Gatunguru mwena wa Mathioya kaunti-ini ya Murang’a. Michael Kimani kana Kang’ang’u aikirio ngono e gwake mucii mathaa-ini ma utuku thutha wa gukunyanirwo ni muingi itura-ini ria Muu-ini mwena wa Gaturi Kiharu, na riboti igii guikio ngono gwake igekirwo mukonde ni cibu wa ituura ria Gakurwe Stephen Komu uria ugite ati mwikuirwo ucio ni atanyitwo gukinyio igoti-ini ria Murang’a muthenya wa umuthi. Mutigairi oragirwo na njira ya unyamu ya gutemangwo e gwake nyumba itura-ini ria Gakurwe na mwiri wake ugikirwo ngari-ini yake na ugiteyo ni ekuirwo aria mamugerete ngero iyo, no indi ngari iyo igite mwerekera na ikigwa mukira-ini wa barabara uraihu ta wa mita 200 kuma mucii kuria mateaniirie ndeto iyo na magiithara. Ekuirwo acio angi aria marikitie guikio ngono na gukinyio igoti-ini ni mutumia wa mutigairi, mundurume makoragwo na ndugu ya wendo, ndereba wa matatu uria watwarithagia ngari ya mutigairi igate mwiri wake na wa muico ni ndereba wa boda boda.

 

Show More

Related Articles