EMOOLOGOIYWEK

Konyiti ministry nebo ripsetab kalyet report neimongu kibagengeishek chemobo serikali

Kakomwa CS eng ministry nebo ripsetab kalyet eng emet orit Dr. Fred Matiangi kole konyiti kibagengeitab ripsetab kalyet eng emoni report neimongu kibagengeishek chemobo serikali eng emoni akobo yautikab nametab osoya eng kwenutab police koboto yautik alak chebo ngemetab imandab kipkosobe eng bikap boror eng kibagengeinoton.

Kongolole eng tuiyetab offisaek cheechen eng kibagengeinoton bo ripsetab kalyet nekakiyai eng yuton Nairobi komwa Matiangi kole tokyinetabgei nebo tugul ko keger kele kakiityi konunetab boisyet neititaat koityi bikap boror ak mamagat komiten rirtaetabgei eng kwenutab kibagengeishechoton ak serikali.

Kamwa inee kole mamiten chi agetugul neboiboenjin yautikab kanyaliletab bikap boror kobun offisaekab police ak nyoru kerkonget ichek tugul cheisuldoen yautichoton ole kangalalen inee akobo yautyet agenge nekitook eng oretab video offisayat agenge nebo police konyalili chi akotononen metinyin.

Related Articles

Close

Adblock Detected

Please consider supporting us by disabling your ad blocker