Meru FmMeru fm news

Magiri ma aritwa kuuma Meru maumba kurega kuthithia KCSE na KCPE niuntu wa kwaagia Birth Certificates

Magiri ma aritwa kuuma Meru maria mari kirathi kia 8  amwe na ma Form 4 riu maumba kurega gwitikirirua kwiandikithia kenda maumba gwikarira magerio ma KCPE na KCSE mwanka uyu niuntu wa kwagia certificate ciao cia guciarwa.

Kuringana na uthuthuria wa rwang’i rwa magerio guku nthiguruni niru Knec, nkuruki ya aritwa 23, 806 maria merigiri kuthithia KCPE na 3,646 maria merigiri kuthithia KCSE kauntine ya Meru maejanite Certificate bandia cia guciarwa kana cia urongo.

Rwang’i ruru rwa magerio riu runenkerete aritwa mama mwanka ntuku ya wetano methirwe makunenkanira namba ciao cia Certificate iria ibaterie.

Kiumia kithiru, Murungamiriri munene wa Knec niwe  Mercy Karogo augire aritwa 370,000 maria merigiri kuthithia KCPE na KCSE makarigiirua kwiandikithia makeja kurega kurikia mutaratara uyu wa kwiandikithia mbere ya ntuku ya wetano, kiumia giki.

 

Show More

Related Articles