Meru FmMeru fm news

Mworoto jwakwa kiri kwariria mantu jegie waaki bwa dam ni kwithirwa ni imwe ya agenda na wira wa Jubilee, Ruto gucokeria Raila

Munini wa rais William Ruto netite nambeere gutetera itua riawe gutetera waaki bwa dam aja nthigurune.

Akiaria kigomanone gia utamburukia bwa mainya kiria gitite nambere countyne ya Kiriinyaga Ruto naitie miario ya mutongeria wa kiama kia ODM Raila Odinga na kuuga mworoto jwawe kiri kwariria mantu ja waaki bwa dam iu ni kwithirwa ni imwe cia agenda na wirane buria berite muingi jwa nthiguru igita ria kampini bari amwe na rais Uhuru Kenyatta.

Kagitene o kau niameneretie baria bethiritwe bakigwatithania bangi na nkunkumo na baria bethiritwe bagitambia propaganda niuntu bwa kuthukiria bangi ba ritwa niuntu bwa kuremwa kunenkanira ukuuji buria benabu kiri ndwangi iria ikonenie na kurua na nkunkumo.

Amwe nabuu Ruto augite ageta nambere kugwatanira kiri ndua ya gukabanira na nkunkumo aja nthigurune.

Aritie jaja igita ria ntumiri yawe kigomano kia 6 gia utamburukia bwa mainya kiria gikuthithika countyne ya Kiriinyaga.

Show More

Related Articles