Meru FmMeru fm news

Ikosi kuuma rwang’ine rwa jeshi rwa Air forces gutumwa JKIA kenda batigira miang’o ya withire igucokera

Ikosi kuuma rwang’ine rwa jeshi rwa Air forces nibatumi kienine kia ndege kia JKIA kenda gutigira miang’o ya withire igucokera nyuma ya ariti ngugi kienine kugoma.

Maabisa bau baritetheria kuraitha baria bagukurukira kienine kiu nyuma ya Magana ja abiria gukwama kuumania na mugomo juu.

Jaja jakarikite oriria Ndege iria ikwirigiri gukinyuka kienine kia ndege kia Jomo Kenyatta JKIA ciekeretue kienine kia ndege kia Mombasa.

Minista wa ukamati James Macharia nameneretie mugomo juu na kuuga juthithikite giutati na watho nauga nkuruki ya ariti ngugi 30 nibo bakubanganitie mugomo juu.

Rwang’i rwa kurungamira bieni bia ndege aja nthigurune KAA, kambuni ya ukamati ya KQ na maabisa ba jeshi nibo bajukitie miango kienine kiu oriria miango iu irigiri gucokera igita o rionthe.

Kagitene o kau Macharia nainyiriitie ati baria bakugwatithanua na gucocera mugomo juu bakajukirua matagaria ja kiwatho.

Mwandiki munene wa kiama gia Kawu Moses Ndiema ni gatagati ka baria bekirirwe mpiine.

Show More

Related Articles