EMOOLOGOIYWEK

The 6th Annual Devolution Conference

Tuitos  eng raini delegates chesirei 6,000 eng tuiyet nebo 6 nebo kenyit agetugul nebo Devolution conference neituitos serkalisiek tugul 47 chebo Counties

Tuitos  eng raini delegates chesirei 6,000 eng tuiyet nebo 6 nebo kenyit agetugul nebo Devolution conference neituitos serkalisiek tugul 47 chebo Counties, serkalitab poror ak Stakeholders nekiyoei eng sukulitab barak nebo Kirinyaga eng Kirinyaga County.

Ngolyot neo netononeen tuiyonotok eng kenyini ko  ‘Transform, Deliver, Measure’ ole tetaat koyaat tuiyonotok eng betutab mutai President Uhuru Kenyatta ak ikoitoi akine ngalalenyi eng betutab kosomok kazi kandoindetab Chamaitab ODM Raila Odinga.

Itei let tuiyonotok bo betusiek 4 eng betutab kwangwan kazi ole tetaat kokeer tuiyonotok rubeiwotab President Dr William Ruto.

Kamwa Regional Commissioner Wilfred Nyagwanga kole koketes ribiikab kalyet eng County inotok bo Kirinyaga ak Counties alak chelekityiin cheboto Nyeri ak Embu kosupgei ak chongindab konyitenik ak biik cheititoi tuiyonotok.

Kiyoei tuiyonitok akot eng kasarta neka komwa alak eng Governors cheboto Charity Ngilu (Kitui), Salim Mvurya (Kwale) ak Fahim Twaha (Lamu) kole moititoi amu machobotiin koneem rabisiek cheitei siling Million 2 chemogotin eng Counties cheititoi tuiyonotok.

Eng kenyitab 2018, ko kiistoengei tuiyonotok kikakiyai eng County nebo Kakamega County nebo Elgeyo Marakwet yekingomwa Governor Alex Tolgos kole kimokotinyei County inotok rabisiechotok Million 2 chekimogotiin.

Show More

Related Articles