KTVmohoro

Ndereba wa ndege wa Ruto hamwe na raia 4 a bururi wa Amerika gukua kurumirira mutino wa ndege

Ndereba wa ndege wa munini wa mutongoria wa bururi William Ruto niakuite kurumirira mutino wa ndege kaunti ini ya Turkana. Kuringana na maabithaa a borithi,Captain Mario Magonga arakuire hamwe na andu angi ana aria ni raia a bururi wa Amerika, thutha wa ndege muthemba wa helicopter iria iramakuite kugua gicigo ini kia Lobolo.

Kuringana na andu a nyumba ya Magonga matongoretio ni mumbunge wa gicigo gia Kitutu Chache Richard Onyonka mwiri wa Magonga  wonekanire hamwe na matigari ma ndege ino mathaa-ini ma thaa inyanya gugikia umuthi,guku  makiuga niwe uratwarithagia ndege ino.

Ruhonge rwa borithi nirwikirite mukonde iguru ria mutino uyu,makiuga ndege ino iraguire mathaa-ini ma thaa igiri cia hwai na riu maabithaa a ugitiri nimatwaritwo mwena ucio  guku uthuthuria wa kugua kwa ndege ino ugitabanio.

 

 

Show More

Related Articles