Meru FmMeru fm news

Aamba gutemanga na kuraga mwekuru umwe nteere cia Bomet mbere yabo kugwata aari bawe 3 kia inya

Gikundi kimwe kia aamba nigitemangite mwekuru umwe na kumuraga mbeere yakio kuguraria mukuru waawe buthuku na kugwata kia inya aari baawe 3 nteere cia Litein Kauntine ya Bomet.

Antu bangi 4 ba family ino, iria ikwirikana ni ya musiasa wa au kabere baria batigitwe na nguraro nyuma ya ikarika riri nimathithe nambere kweewa utethio cibitarini ya Litein AIC Mission Hospital.

Akari ba ntuura ino ya Samoget magitaariria yumira riri, maugite ni ngero nene muno na mwankiria thaa ino gutikumenyeka gitumi kiria kiratumire aamba baba baithukira family ino.

Munene wa borisi mwena uyu wa Litein niwe Mr. Ali Abdi  agikujiira yumira riri augite nkinya mwanka muthiru nja imwe niyaithukiirwe na kuragwa na njira ota iria family ino iraithukirwe.

Show More

Related Articles