Mediamax Network Limited

Micii ya ciana kuurio yambiririe tabarira cia kumihotithia kwirugamirira hatari uteithio kuuma nanja

Micii iria irumbuyagia ciana cia ndigwa undu umwe na iria ciumite micii itari na uhoti niyuritio ithugunde njira ingi iria irimihotithagia guthondeka mbeca cia kwirugamirira na kuhota guteithia ciana wega. 

Mucii wa ciiana wa Kisaiu mwena wa Isinya kaunti-ini ya Kajiado ni umwe uria uhotete gwika uguo na kuhota kwirugamirira hatari na uteithio kuuma nja yaguo. 

Mucii uyu uria uri na ciina igana ria mirongo kenda niuhotete guteithia ciana hatari uteithio kuuma nja kuona uri na tabarira itiganite iraurehera mbeca. 

Murugamiriri wa mucii uyu Ella Muigai niaugite nimahotire kugia na mathomo ma tabarira itiganite iria macokire makiambirira mucii-ini ucio.

 Akiaria hindi ya iceera mucii-ini ucio munini wa Ambasador wa Israel Noah Gal niaugite he bata andu guteithiriria ciana ta ici nigetha ikahota kwirugamirira muturire-ini.