Kameme FmKameme Fm NewsKameme News

Mwanake umwe wa miaka 40 gututhura gicanjama thutha wa guthikuria kaburi ka ithe Murang’a

Mwanake wa ukuru wa miaka 40 kuuma itura ria Kigio, Gatanga kaunti-ini ya Muranga, niatuthurire gicanjama thutha wa guthii kaburi-ini ka ithe na kwambiriria guthikuria mwiri wake, akiuga ati arenda kuona mwiri ucio niamu ithe ahurukire miaka minini mihituku mahinda maria nake ari njera agitumikira kioho.

Raphael Mwaganu kurerikana ati eguthikuragia matigari ma ithe ukurikanite ta Ndung’u Thuku, na ati andu a nyumba yao nio mamukorereire agitabania giko kiu na mauga mbu na kuhura riboti kuri maabithaa a borithi kuuma bothiti ya AP ya Kigio, aria nao metirie uteithio wa maobithaa angi a AP kuuma Mabanda niguo mahote kumuikia ngono.

Mundurume ucio niacokire athamirio ceceni-ni ya borithi ya Kirwara atanyite gukinyio igoti-ini, na ndeto iyo ni ikiritwo mukonde ni cibu wa location ya Kigio Isaac Munyua Mengere.

Cibu ucio uria waraniirie na mwandiki witu wa mohoro wa Muranga George Kimani, arauga ati mundurume ucio aikitio ngono miaka 6 mihituku thutha wa kunyitikana na njirungi igiri gwake nyumba na thutha ucio agitumikira kioho njera ya Kamiti, no ati miaka 2 mihituku akirekererio.

Uhoro makiria urauga ati mundurume ucio egutigitie ta futi 2 akinyire matigari ma mwiri ucio.

Show More

Related Articles