Kameme FmKameme Fm NewsKameme News

President Kenyatta kuuria atongoria mathii nambere kugacirithia urumwe wa muingi guku bururi-ini

Mutongoria wa bururi Uhuru Kenyatta auga nonginyagia atongoria marutithania wira hamwe mworoto-ini wa kumurika tabarira cia uthii wanambere. Akiaria ndagika nini hituku ari mwena wa Ahero kuria aruguria waki wa barabara ya kunyitithania matuura matiganite ma mwena wa Githumo na kaunti iria cikuhiriirie, Uhuru auga akenya mabatii guikarania na thayu na urumwe hatari kugayukanio na mithingi ya unduriri kana uteti.

Ihinda-ini oro riu Uhuru nioritie atongoria matige kuingiria uteti mbara-ini iria irathii nambere ya kuhitana na ndamathia ya ngukumio.

Mwena-ini wake munini wa mutongoria wa bururi auga atongoria mokite hamwe akenya othe nio mekugunika na njira nene.

Naguo muingi wa gicigo giki urauga wina matanya maingi meegie iceera ria president, makiuga nimamunyitite mbaru na makiria thutha wake kuigwithania na Raila, mweri-ini wa Gatatu mwaka uyu.

Atongoria a gicigo kiu magitongorio ni mutongoria wa aria anini bunge-ini John Mbadi, marauga mena mwihoko maundu maria menamo megie tabarira cia uthii wa nambere, nimekuhingio.

Show More

Related Articles