KTVmohoro

Ambunge kuuma Ikamba-ini kuuria president Kenyatta gukanyita mbaru Kalonzo 2022

Atongoria kuuma mwena wa Ikamba-ini nimathingatite mutongoria wa bururi Uhuru Kenyatta gugacokia guoko na kunyita mbaru mutongoria wa Wiper Kalonzo Musyoka githurano-ini kia mwaka wa 2022, makiuga itua ria Kalonzo gutiganiria mung’ethaniro na kurutithania wira na thirikari ritibatie kuriganira.

Atongoria aya aria ni hamwe na seneta wa Kitui Enock Wambua na mumbunge wa Mwingi Central Gideon Mulyungi, ningi nimathingatite muingi wa Ikamba kunyitana na gukorwo uri thutha wa Kalonzo ta mutongoria wao, makiria niguo kumuhe mweke mwega wa gukaiyukia uhotani githurano-ini gia 2022.

Othe aya mararagia uu ituura-ini ria nguni kaunti ya Kitui  igongona-ini ria monanio ma  unduire.

 

Show More

Related Articles