Kameme FmKameme Fm NewsKameme News

Kairitu ka miaka 14 gukua thutha wa kuguthwo ni ngari Sachagwan kaunti-ini ya Naikuru

Kairitu ka ukuru wa miaka ikumi na ina ni gakuite thutha wa kuguthwo ni ngari mwena wa Sachagwan kaunti-ini ya Naikuru. Mutino uyu uria uronekanire muthenya wa ira hwa-ini uratigire ciana ingi ithatu ikihonia nguraro thibitari-ini ngurani kaunti-ini iyo..

Mutino uyu ukite thiku nini thutha wa family imwe mwena wa Wanyonyoro – Bahati kuurwo ni ciana ithatu iria ciaringirwo ni ngari ya mundu kiumbe iri mukira wa barabara.

Ihinda-ini oro riu andu atandatu nimagurarire uuru kurumirira mutino wa barabara uria uhanikire kiroko kia umuthi mwena wa Malili kaunti-ini ya Makueni. Uhoro ucio niwikiritwo mukonde ni kamishona wa Makueni Mohammed Maalim akiuga mutino ucio ukuruhanirie ngari nini na ingi muthemba wa probox iria igukuwite miraa.

Show More

Related Articles