Kameme FmKameme Fm NewsKameme News

CS Amina Mohamed kuuga maumirira ma kigeranio gia KCSE matanyitwo kwanirirwo mbere ya mweri 25 Dithemba

Arutwo makiria ma ngiri magana matandatu aria maratirihire kigerio gia KCSE muthenya wa ira maiya gukamukira maumirira mao mbere ya guthii thiguku ya kirithimathi.

Uu ni kuringana na minista wa githomo Amina Mohamed, uria ningi ugite mitaratara iria maragathikite ihinda ria igeranio cieri cia kibururi, irakinyaniirie umithio na gicunji kia 99%. Akiaria thutha wa kurika kwa igeranio cia KCSE Amina augite nginya atongoria kuuma mabururi mangi nimokite kumurika mitaratara iria Kenya irahuthirire igeranio-ini icio niguo mathome kuuma guku bururi-ini.

Ona kuhana o uguo Amina augite gutinaga ciiko cia kugeria kuhenania igeranio-ini icio ona gutuika uthuthuria no urathii nambere nginya wa arutwo a thukuru wa Ambira aria maugire ati nimahenanirie igeranio-ini ciao.

Mwena-ini wake murugamiriri munene wa kamiti ya kwandika arutani Nancy Macharia augite aciari mari na itemi hari kuhurana na wuici ucio amu nio marutaga mbeca cia kugeria kugura kigerio.

Show More

Related Articles