KTVmohoro

Arutwo 8 kuuma thukuru wa Ambira gukinyio igoti-ini 

Arutwo anana kuuma thukuru wa thekondari ya Ambira kaunti-ini ya Siaya aria maugite nimahotire kuiya kigeranio nimakinyirio igoti-ini  mbere ya mucirithania Gladys Athiambo mwena wa Ukwala, na kuria matanahota kwiyaria thutha wa mwena wa thitango kuuria igoti rimahe thiku mugwanja, nigwo meke uthuthuria, na kuria riu anana aya megukorwo mahingiritwo ceceni-ini ya borithi ya Ugunja nginya tareki  ithatu mweri ukite  riria ciira ucio ukagwetwo.

Arutwo aya ni aria monekanire mbica-ini cia video nenda-ini cia ukinyaniria makiaria miario miuru na kuruma minista wa githomo Amina Mohammed na murunawe wa ugitiri wa thi-ini Fred Matiang’i  thutha wao kurikia kigeranio kiao gia KCSE, undu uria ukoretwo ukiriirwo na njira nene nginyagia ni mutongoria wa bururi.

Wangui wa Muiruri ari na riboti ino makiria.

 

Show More

Related Articles