Kameme FmKameme Fm NewsKameme News

Olive Mwea na Rawlings Odhiambo gutongoria kigeranio-ini gia KCPE mwaka uyu

Gwatinda gikeno na nduhio thukuru-ini wa Riara guku Nairobi thutha wa murutwo wa thukuru ucio Olive Mwea gutongoria thi-ini wa maumirira ma mwaka uyu. Mwea na Rawlings Odhiambo kuuma thukuru wa Kakamega Hills megwatiire marks magana mana ma mirongo itano na ithatu. Aciari a Mwea hamwe na arutani ake nimahinyiriirie aciari mathii nambere na kunyitirira ciana ciao mathomo-ini.

Njagi Ronnie Gathuku kuuma thukuru-ini wa Effort Junior Kerugoya
Kaunti-ini ya Kirinyaga andikithirie marks magana mana ma mirongo ina na inya. Mamawe arauga Njagi aikaraga na aciari ake mwena wa Gicua-ini kaunti-ini ya Mombatha. Ihinda-ini oro riu murugamiriri munene wa thukuru ucio wa Effort Junior Beatrice Wanjiku Kabui arauga makiria ma arutwo mirongo itatu a cukuru ucio maiyukirie marks magana mana guthii na iguru.

Kungi nakuo James Muigai wa cukuru wa St John Kipipili aiyukirie marks magana mana ma mirongo itatu na imwe. Murugamiriri munene wa cukuru ucio George Kamau arauga makiria ma arutwo anana maiyukirie marks magana mana guthii na iguru. Oho niagathiriirie thirikari kurumirira makinya maria ikoretwi igitacukia hari kuhitana na ciiko cia ngukumio.

Nao arutani cukuru-ini wa Greenvale mucii-ini wa Eldoret kaunti-ini ya Uasin gichu onao matinda makiruhia thutha wa murutwo wa cukuru ucio kuiyukia marks magana mana ma mirongo itatu na ithathatu.

Nake Daniel Waweru wa cukuru wa Ndima Kanini academy mwena wa Mathira kaunti-ini ya Nyeri onake ndanahota kuhitha gikeno giake thutha wake kwimathira marks magana mana ma mirongo iiri na ithano 425

 

 

Show More

Related Articles