Kameme FmKameme Fm NewsKameme News

Arutwo 5 a cukuru wa Muslim Girls guikio ngono ni borithi thutha wa kunyitikana na thimu

Arutwo atano a cukuru wa airitu wa Muslim Girls uria wi tauni-ni ya Maragua kaunti-ini ya Murang’a, nimaikirio ngono ni maabithaa a borithi thutha wa kunyitikana na thimu ithano oo mundu yake mahinda-ini maria megwikaga kigeranio kia physics cukuru-ini ucio.

Oho arugamiriri eri a kigeranio kiu onao nimaikirio ngono na riu othe mahingiritwo thero ceceni-ni ya borithi ya Maragua matanyitwo gukinyio igoti-ini wona uthuthuria warika. Akiaria ari cukuru-ini uco riria egutongoretie mbutu cia ugitiri hamwe na maabithaa a githomo, kamishona wa kaunti ya Muranga John Elungata augire ati njama iyo ihithuririo ni maabithaa a borithi aria mekuheyanaga ugitiri hindi ya kigeranio na ati thimu icio cikuhithitwo nguo-ini ciao iria ciuikaine ta buibui.

Niongereire kuuga arutani a thukuru ucio nimeguthuthurio niguo kumenya kana hihi mauma njama-ini ya kuiya kigeranio kiu akiuga ati moneka na mahitia onao matikwirica guoko kwa watho.

 

Show More

Related Articles