Kameme FmKameme Fm NewsKameme News

Kieha kugumira family imwe thutha wa nyumba yao kuhia utuku wa gukia umuthi Nyandarua

Family ya Joseph Maina King’ori kuuma gicagi gia Gathanji Or Joro rok kaunti-ini ya Nyandarua iraire njaa ikigugunwo ni heho thutha wa nyumba yao ya mbao kugwata mwaki utuku wa gukia umuthi.

Mwaki ucio uria utari uramenyekana kihumo kiaguo, utumukire nyumba ya ciana cia muthuri ucio na gucungiriria mucii wake wa nyumba ithatu kuhia na gutuika muhu na athii hathara ya makiri ma mbeca.

Atongoria na muingi mwena ucio matongoretio ni Serah Wanjiku Gachuru marauga igeria ria andu a itura gwita ngari ya kuhoria mwaki ya kaunti ya Nyandarua ritinagia na umithio amu matinekinyia no muingi ni uhotire kuhurana na mwaki ucio mbere ya utambite nyumba-ini iria ikuhiriirie mucii ucio uhiire.

Show More

Related Articles