Kameme FmKameme Fm NewsKameme News

Raila gucemania na atongoria kuuma Embu kuria oritie akenya guteaniria ukabira

Barothi wa ukuria ngwataniro-ini ya mabururi ma Africa na uria ningi ni mutongoria wa mung’ethaniro Raila Odinga, nioritie akenya guteaniria migendere ya njukaniriro, rumena na ukabira.

Raila aritie uu guku Nairobi hindi ya mucemanio na atongoria kuuma Embu kuria ahinyiriirie ati muku wa kiuteti no ucokie na thutha ukuria wa bururi. Odinga arauga no muhaka akenya mathagathage njira cia urumwe gatagati ka nduriri ciothe niguo kuhingia wendi wa aria maruiriire wiyathi wa bururi.

Nake minista wa hau kabere Joseph Nyaga uria uratongoretie atongoria acio a Embu gucerera Raila, niatugiritie rithugunda na ikinya ria President Uhuru Kenyatta na Raila ria kumatha uiguano bururi-ini.

Show More

Related Articles