Mayian FmMayian Fm News

Ebung’a iltung’anak le murua e Langata Ekima te Kajiado South oloidikidiki tenkaraki enyamali enkare nemetumito

Eibung’a iltung’anak le murua e Langata Enkima te Kajiado South oloidikidiki  egira aigunyuguny tenkaraki enyamali enkare nemetumito hoo duo netaaniki inkonyek oonkariak e  Nolturesh.

Eibalie lelo tunganak  nchere kepuo inkilomitani 15 aing’oru enkare teina Wuaso Enoolturesh negirai aamitiki inkariak.

Etuuta iloopisani loolpolisi aa GSU te murua enkutoto ejo ninche oibooitie ina are naing’ua enoolturesh peasie enkiremore, naa ninye nayaka metaa meibaiki ninche ina are.

Etoponaitie lelo tung’anak ejo kegira lelo opisaani aarare ilbarnot oopuo aasuj ina are Enoolturesh, embae naitagorito ninche oleng.

Eipotu lelo tung’anak eretoto e serkali Olkejuado peejingaki polos ina bae peetum enkare iltunganak leina luboto.

Ore te murua  embolioi te Kajiado West contituency eibalie intomonok aajo meekure eeigil aawosh enkukuo tenemetum eretoto toolarikok oogira aagelu metijinga erikore.

Easa enaa ejo nena tomonok nchere keinyototo aapuol aing’oru inkariak ebaiki saa naaudo enkakenya eingoru inkariak.

 

Show More

Related Articles