Kameme FmKameme Fm NewsKameme News

Mundurume umwe guikio ngono agikuruhanio na mahitia ma kuraga mwendwa wake Murang’a

Mutumia wa ukuru wa miaka 37 niarakuire hau hau hwai ithaa-ini ria thaa 3 cia utuku, thutha wa kung’eywo ngingo ta nguku ni mwendwa wake uria ni mundurume wa ukuru wa miaka 29.

Ngero iyo irahanikire kurigania na ceceni ya borithi ya Maragua kuria mwikuirwo mugeri wa ngero iyo ukurikanite ta Joseph Maina Tumuti arerikana kuhurira thimu mutigairi Beatrice Wanjiku Gituku akimuria macemanie na niguo aramugerire ngero iyo.

Njuragano iyo ni ikiritwo mukonde ni ocpd wa muranga ya muhuro John Onditi uria ugite ati mwikuirwo ucio e mokoini ma borithi atanyitwo gukinyio igotini.

Onditi atariirie ati aikirio ngono ni borithi ithaaini ria that inyanya cia utuku gukiroka gukia ituraini ria Kamahuha o kuu Maragua uraihu ta wa km 10 kuma haria ngero iyo irahanikite e riuriroini.

Atariirie ati thutha wa kuhungwo mahuri niguo ahithuriirie borithi niaroragire mwendwa wake na anengera borithi kahui karia niko itharaita riria arahuthirite kuraga mutigairi.

Show More

Related Articles