Meru FmMeru fm news

Matatu kathumba kugwatwa nyuma yacio kwithirwa itiingitie mantu jaria watho bwa “Michuki” bugaga jaingue

Kaunti ya Meru Matatu kathumba nigwatiri mutaratarene jwa kugwata Matatu na biki biki iria itiingitie mantu jaria watho buria bwijikene mono na ritwa watho bwa Michuki bugaga jaingue kwambiria narua guku Kenya. Mutaratara juju jutongeretue ni murungamiri wa rwang’i rwa NTSA nteere cia Upper Eastern Joseph Gichohi.  

Commisioner wa Kaunti iu Wilfred Nyagwanga augite barithithia mutaratara juu nteere cionthe cia Kaunti iu.  

Naku nteere cia Tharaka mutaratara juu jutirambiria naria guti borisi bakwoneka aria bakabaga Marimanti na mwathukanirone jwa njira ya Gatunga na ya Nkondi na kinya ya Tunyai na ya Kithiino.

Biki biki nigukamata antu kinya kethirwa eene cio bariuga barina ugwaa bwa borisi bau kumiira ndaika yonthe.

Meru South naku munene wa borisi mwena juu Benson Makumbi augite batiathura kinya biki biki na ngari iti cia Matatu batua kuthithia mutaratara juu.  Mwandiki nteto wetu Eustace Mwambia Nkune na nteto nkuruki. 

Show More

Related Articles