EMOOLOGOIYWEK

MICHUKI RULE IS BACK!

Taugei eng betutab jumatatu wikit nenyonei chengsetab karisiek cheimuti kiprutoinik chemaisubi ngatutik chebo oret

Taugei eng betutab jumatatu wikit nenyonei chengsetab karisiek cheimuti kiprutoinik chemaisubi ngatutik chebo oret, nito ko kosubgei ak sirindet neo eng ministry nebo ripsetab kalyet eng emet orit Dr Karanja Kibicho nekamwa kole tokchingei nito kowek atobosiek chenyalu eng oratinwekab emoni.

Eng kasaraton kokaikoito kurset ine koitchi kiprutoinik koig cheiitchin komonut kasuldaetab ngatutichoton eng oret netoretigei ak ofisaek chetelelchin miendo eng banwekab ortinwek asiketer nyasutik.

Eng rani ko kayai tuiyetab kibagenge minister nebo ripsetab kalyet eng emet orit, Dr. Fred Matiang’i, koboto nebo loisiet James Macharia ak IGP Joseph Boinett eng  Kenya School of Government, nemi Kabete neyeibata kotuitos ak sirikab logoiywek asi kobit kobarasta agobo kakwautik chekiibe ak ngatutik chelelach amait kotoigei eng emet komugul chengsetab karisiek koboto ketikab karisiek cheimuti kiprutoinik chemaisubi ngatutikab oratinwek.

Show More

Related Articles

Check Also

Close