Kameme FmKameme Fm NewsKameme News

Spika wa mbunge ya Nyandarua kuuga ndekwehera giturwa-ini ona thutha wa MCAs guthura spika mweru

Oriri ndugamano ithiite nambere mbunge-ini ya Nyandarua spika wa mbunge iyo Ndegwa Wahome, nierumite kini akiuga ndekwehera giturwa-ini kiu ona thutha wa MCAs 20 guthura spika mweru hamwe na arugamiriri eru mbunge-ini iyo muthi wa ira.

Ndegwa ningi nioritie amemba a mbunge iyo kurumirira mawatho na mitaratara iria yagiriire, akiuga ma MCAs aria marathuranire muthenya wa ira matinarumirira mutaratara na itanya riao inene ni kwenda guthii nambere na kungumia mbeca cia muingi.

Ndegwa aritie uu thutha wa igeria ria ma MCA’s a kaunti ino ria kuingira mbunge-ini ino kiroko kia umuthi kuringa ihiga, ahinga mbunge iyo oringi nginyagia muthi wa keri kiumia giukite mathaa-ini ma thaa inyanya.

Show More

Related Articles