Kameme FmKameme Fm NewsKameme News

Makiria ma arutwo 10 aria maraikarira kigeranio gia KCSE gutanahirwo na ciana umuthi

Oriri kigeranio gia KSCE kiambiririe umuthi, makiria ma arutwo 10 nimatanahirwo na ciana. Arutwo 4 ni akuma kaunti-ini ya Kitui, 2 Baringo, 2 Murang’a na eri Baringo. Ona kuhana ouguo arutwo aya nimathiire na mbere na kigeranio kiao, otiga murutwo umwe kuuma kaunti-ini ya Mwingi uria watanahiirwo na mwana muthenya wa gatano hindi ya rehearsal, na thutha ucio akigia mathiina ma kimwiri.

Ciiko ici cionekanite oriri ministry ya githomo iri mihang’o-ini ya guthundura mutaratara wa kuhitana na maathina ma arutwo kuohithio nda matarikitie mathamo mao. Minista Amina Mohammed aguire nimararutithania wira na honge ingi cia githirikari guthundura mutaratara ucio uria ukurekererio ica ikuhi. Akiaria mwena wa Mombatha Amina augire ni kieha kuona andu aria magiriire kugitira arutwo aya nio mari muhari-ini wa mbere kumathukuria muturiire.

Maritie uu oriri arutwo eri a thukuru ngurani cia secondary kaunti-ini ya Baringo marekira kigerio gia KCSE thibitari-ini ya Kabarnet, thutha wa airitu acio kugia ciana utuku wa gukia umuthi. Nakuo kaunti-ini ya Kitui murutwo ungi wa thukuru wa IPC Mathuma arekira kigeranio thibitari-ini thutha wa gutanahirwo na mwana utuku wa gukia umuthi, riri ungi nake kaunti-ini ya Makueni aguthukirio thibitari-ini nene ya Mwingi thutha wa kwambia kurumwo ni ruuo na riu etereire kwohoka. Munene wa urigitani thibitari-ini iyo ya Kabarnet augite arutwo aria marekira kigeranio thibitari-ini ucio nimetheirwo handu hega ha kuhota gwikira kigerio.

Show More

Related Articles