Kameme FmKameme Fm News

Atongoria guothe bururi-ini guthingatwo kunyitanira na muingi uhandi-ini wa miti

Atongoria guothe bururi-ini nimathingatitwo gukorwo muhari-ni wa mbere kunyitanira na muingi niguo gutigirira bururi niwakinyaniria itanya ria gicunji gia ikumi hari igana uhandi-ini wa miti. Mugambo uyu urutitwo ni mutongoria a gukundi gia kuhurana na ndutu Ahadi Kenya Dr.  Stanley Kamau, akiaria hindi ya kururumura mubango athundurite mwaka muhituku wa kuheana miti kuri muingi wa Muranga. Kamau arari ituura-ini ria Gitugi Mathioya, kuria araheyanire miti ya mikorobia itanyihiire 1,000 kuri ikundi 10 cia atumia.
Oho ningi Kamau ni oritie atongoria na thirikari gutangira andu aria mahutirio na njira itiganite ni mbura ya muniko ya mweri wa kana mwaka-ini uyu, riri nake uria wari mwandiki mukaru Ministry-ini ya mibango na uthii wa nambere Irungu Nyakera, akuruhanitie wagi wa mbura na ugaruruku wa riera hari kwaga kuhandwo miti.
Show More

Related Articles