Meru FmMeru fm news

Mwekuru wa mianka 55 kuuma Baringo Kaunti ni umwe wa baria bakuthithia kigerio kiao kia KCPE mwaka uyu

Aritwa baria baingi bathithagia kigerio kiao kia (KCPE) bari na ukuru wa mianka 13, 14 kana 15.

Jane Cheruiyot, mwekuru wa mianka 55 na ng’ina wa aana bairi ti umwe wao. Jane, uria aumire cukuru ari kirathi kia Class 4 kenda eta kugurwa riu niacokete cukuru kurikia kithomo kiawe.

Cheruiyot arithithiria kigerio kiawe cukurune ya Visa Oshwal Academy nteere cia Kabarnet, Kaunti ya Baringo naria ena witikio ati agakeruka kigerio kiawe na ete Secondary.

Wirigiro wake ni kurikia kithomo kiawe na kuthithia Course ya biashara iria ikamutethia gukuria biashara yaawe.

Kungi naku nteere cia Hindi, Kaunti ya Lamu, mukuru wa mianka 39 inya we ni umwe wa baria bakuthithia kigerio gia KCPE mwaka uyu.

Akiaria na andiki nteto Mr Mwangi, uria aumire cukuru mwankene wa 1997 augite gitumi kiawe kinene kia gucoka cukuru ni kenda ona kana akaumba kwona ngugi injega na mucaara kenda muturire waawe ugaruruka.

Show More

Related Articles