Kameme FmKameme Fm News

Nyamu irekuirwo ni ngari nginyagia riu yuragite ng’ondu 17 mwena wa Kambirwa, Murang’a

Nyamu iria irekuwo ati ni ngari na ikoretwo ikirimutha matuura-ini matiganite ma mwena wa Kambirwa gicigo-ini kia umbunge gia Kiharu kaunti-ini ya Murang’a, nginyanagia riu itamburite na kuraga ng’ondu 17 kumanagia muthenya wa ira.

Muthenya wa ira mathaa-ini ma thaa kenda cia muthenya, ni irahithukiire na kuuraga ng’ondu 10 ituura-ini ria Mutahaciu, iria nicia murimi ukurikanite ta Consolata Wanjiru Mwangi. Munini wa ciu wa sub location ya Kambirwa niwe Stephen Kagoto, erire mwandiki witu wa mohoro wa Murang’a George Kimani ati nacio ng’ondu cia murimi ukurikanite ta Kamande Mwangi kuuma ituura ria Kiangonjo, nacio ni iroragirwo muthenya wa ira ithaa-ini ria thaa inya cia muthenya, na ati nario umuthi ithaa-ini ria miaraho nyamu iyo ningi yacoka yahithukira mucii kwa Margaret Wanjiru ituura-ini ria Matithi, na yoraga ng’ondu ciake 3 iria onacio ikwohetwo hakuhi na gwake mucii.

Riu mburi na ng’ondu itanyihiire 60 ni ikoretwo ciuragitwo ni nyamu matuura-ini ma mwena ucio ihinda-ini ria mwaka umwe muhituku, kuria muingi ukaire ruhonge rwa KWS kwihika na kuhitana na nyamu iyo iria itakurikanite kana ni imwe kana ni nyingi.

 

 

Show More

Related Articles