Kameme FmKameme Fm News

Ngaari cia ukuui wa muingi iri na nginyagia tareki 12 mweri ukite guthingatithia mawatho ma Michuki barabara-ini

Itemi-ini ria kugiriria mitino ya barabara iria ithiite nambere kwongerereka, thirikari niyaniriire guthingatithio kwa mawatho ma Michuki megii wuigiririki barabara-ini na makiria hari ngaari cia ukuui wa muingi.

Mawatho macio maria magathikitwo ngathiti-ini ya thirikari ni aminister James Macharia wa ukuuii na murunawe wa ugitiri Dr Fred Matiang’i makambiriria guthingatithio tareki 12 mweri ukite wa ikumi na umwe.

Ngaari ciothe cia ukuui wa muingi nonginya ikorwo na speed governor, micibi na mukuro wa ngoikoni, na aruti wira nongonya makoragwo na uniform na mbica ciao igathikwo ngaari-ini thiinii.

 

 

 

Show More

Related Articles