KTVmohoro

Mumbunge wa Mathira Rigathi Gachagua kwendekithia watho wa kugitira onjoria

Mumbunge wa Mathira Rigathi Gachagua nianiriire niegutemania mutaratara wa watho mbunge wa kuramata mirutire ya wira ya kambuni cia kuuma mabururi ma nanja iria iheayagwo kandarathi guku bururi-ini undu umwe na guthurima biacara iria cigitwo ni andu matari a Kenya guku bururi-ini.

Akiaria na andiki a mohoro, Rigathi arendekithia kandarathi ciothe citakiritie ciringi mbirioni imwe irutagwo ni Akenya mari aiki, nacio kandarathi iria ikiritie ciringi mbirioni imwe, kambuni cia guku bururi-ini ikaheagwo gicunji kia mirongo itatu hari igana gia kandarathi icio.

O kahinda-ini kau mwandiki munene wa kiama kia ahuri biacara kia NISTA Ann Nyokabi, niatugiritie riendekithia riu akiuga thirikari yagonderera guthaitira muingi, bururi niugutahwo ni oki.

 

Show More

Related Articles