Meru FmMeru fm news

Wario kurungikwa ngugi kumania na wamba bwa ciringi million 55

Mbalothi wa Kenya nthigurune ya Austria Dr Hasaan Wario Arero na kamishna wa mantu jegie amatuki  Haron Komen ibarungiki ngugi gwa kagita.

Ni nyuma ya bairi baba kuthitangwa na wamba bwa ciringi million 55 iria ciari cia timu ya Kenya iria yetite kumatuka ndwiro cia Olympics cia Rio nthigurune ya Brazil mwaka jwa 2016.

Baruga kuuma obicine ya murungamiiri wa nthitango cia mwingi Nordin Hajji iria ikinyire kortini narua iriuga bairi bau bagakara bati ngugi mwanka riria magamba jaria barumiiri nijo jagiitwe.

Kumania na untu bubu obici ya murungamiiri wa nthitango cia Mwingi nirigiritie iromba ria Wario ria gucokerua passport.

Wario, Komen na muthuganirua ungi Patrick Nkabu ibareganite na nthitango cia kwiiyia mbeca iu mbere ya magistrate wa korti ya nkukumo Douglas Ogoti.

Obici ya nthitango cia mwingi nirigiritie muthuganirua ungi Kipchoge Keino, gucokia nthitango iu na kuromba ntuku mugwanja nkuruki gwitithia uchunkuni iguru riawe nkuruki.

Gikaro gia kubanga igamba riri gikathithika ntariki 16 cia mweri twitite jwa 11.

Show More

Related Articles