Kameme FmKameme Fm News

Aikari a Kianugu, Laikipia gukaira andu a wendi mwega kumateithia kugura mugunda maraingatwo wa gwaka thukuru

Aikari a gicagi gia Kianugu wondi-ini ya Igwamiti kaunti-ini ya Laikipia nimakaiire thirikari iyo oro hamwe na andu a wendi mwega kumateithiriria kugura mugunda wa gwaka cukuru wa Mukurwe-ini ECD mwena uyu.

Kuringana na muikariri giti Peter Ngumi, aciari nimahetwo notithi ya guthama kuuma mugunda-ini wene uria makoretwo na kirathi gia ciana ici kwa ihinda ria miaka 10 makiuga riu megucungiririo kuoha thabari ya makiaria ma kilomita 10 gwetha githomo mwena wa Muthengera kana Kaiti.

Miario yake ni inyititwo mbaru ni MCA wa guthukio Irene Wachuka, akiuga ni wuigiriki wa thirikari cia matuura gwaka thukuru cia nathari na akauga thirikari ya kaunti iyo iigite keheri-ini makiria ma ciringi million 2.2 iria cikuhuthika gwaka irathi mwena uyu.

 

Show More

Related Articles