Kameme FmKameme Fm NewsKameme News

CJ David Maraga gukirira mbunge ya gibururi kuumana na kunyia kigina kia ruhonge rwa ucirithania

Mucirithania munene David Maraga oringi niokiriire mbunge ya gibururi na njira nene niundu wa kunyihanyihia mbeca iria igayagirwo ruhonge rwa ucirithania guku bururiri-ini.

Maraga augite ti wira wake kwandikagira bunge marua akienda mathukirwo kigina makiria indi ni wuigiririki wa ambunge kuhe magoti mbeca cia kuigana niguo mahote kuhe akenya ihoto.

Maraga augite ruhonge rwa ucirithania ona rutiri na mbeca cia kuigana niguo kurikia miako ya magoti maria mambiriire gwakuo kaunti-ini ngurani.

Oho Maraga augite ruhonge ruu rwa ucirithania rwina mubango wa gutigirira macira mothe mari mena makiria ma miaka itano magoti-ini nimatuithanio mbere ya mwaka uyu gukinya muthia.

Maraga augite macira maingi nimakugucia uthii wa  na mbere na thutha ta ngucanio cia migunda na waki wa manyumba hamwe na ngucanio cia kimucii na makiria ciana ikigucaniria magai ma aciari akiuga macira macio matibatie gutwarwo magoti-ini.

Show More

Related Articles