Kameme FmKameme Fm NewsKameme News

Mwene mbathi iria iracungiriirie mutino wa Kericho guikio ngono ni borithi

Mwene mbathi iretwo Homeboyz iria iracungiriirie ikuo itura-ini ria Fort Tenan barabara-ini ya Londiani guthii Muhoroni niwe Bernard Ishiundu, na muikariri giti wa sacco ya mbathi iyo niwe Cleophas Shimanyula nimaikitio ngono ni borithi.

Eri acio maikitio ngono riri utuiria wambiriirie wigii mutino ucio, uria gukinyiria riu ucungiriirie ikuo cia andu 56 thutha wa andu angi matanyihiirie atandatu gukuira thibitari makirigitwo.

Ihinda-ini oriu nake muikariri giti wa kiama kia ene matatu bururi-ini Simon Kimutai, niacakaite mutino ucio akiuga uronekana uhanikire kuumana na wagi wa wuigiririki makiria mwena wa ndereba wa mbathi iyo.

Akiaria na metha ya mohoro ya K24 Kimutai augite marekuira ndereba ucio ni gucunga aracungire, na akauga kuringana na watho mbathi cia guthii utuku ibatii gukorwo na matereba eri.

Show More

Related Articles