Kameme FmKameme Fm NewsKameme News

Arugamiriri eri a kambuni ya Edoret packers kurekererio na mbondi

Igoti ria Eldoret niriathanite arugamiriri eri a kambuni ya Edoret packers marekererio na mbondi ya ciringi igiri igana rimwe o mundu, cirai-ini uria umagumiire wa kunyitikana na mahitia ma kwenderia muingi irio buthu.

Mucirithania munene Charles Ombulutsa augire  eri acio Raj Kachela raia wa bururi wa Ngeretha na Patel Rajinkant magekinyia mbele ya igoti riu tareki 15 mweri ukite riria cira ucio ugathikiririo.

Eri acio maikirio ngono ni maabitha a ruhonge rwa KEBS hamwe na mabitha a ugima wa muingi birigiceni-ini iria yakuruhanirie maabitha a borithi tareki 24 mweri muthiru kuria mahithukirio na lorry ithatu cia irio mithemba ya micere, maguta na mutu ciothe ithukiire duka-ini yao ya Eldoret packers.

Show More

Related Articles