Kameme FmKameme Fm NewsKameme News

Mundurume umwe guthitangwo na mahitia ma kwendia migunda na njira ya ngungo Ruiru

Mundurume umwe niarakinyirio igoti ria Kiambu agumiirwo ni mahitia ma kuoya mbeca cia kwendia migunda itatu na njira ya ngungo mwena wa Ruiru.

Justus Muindi Mue aragumiirwo ni thitango ithathatu cia kuhenia Sarah Wairimu Ndirangu mari na ciana ciake ithatu iria ni hamwe na Catherine Wangechi, akimerira kumahe title cia cieya ithatu thutha wa kwamukira muigana wa ciringi mirioni ithano kuri tareki 3 mweri wa keri mwaka muthiru.

Mbere ya mucirithania wa Kiambu Justus Kituku, mwikuiro niareganire na thitango icio na kurekererio na mbondi ya ciringi ngiri magana meri, na ciira uyu ukagwetwo ringi tareki 19 mweri-ini uyu wa ikumi.

Show More

Related Articles