KTVmohoro

Melania Trump guceera guku bururi-ini

Mutumia wa president wa bururi wa Amerika niwe Melania Trump niarakinyire guku bururi-ini utuku wa ira hari iceera riake ria gitaru kia Afrika kuria aramukirirwo ni mutumia wa mutongoria wa bururi Margaret Kenyatta. 

Mbere yake guceera guku bururi-ini Melania arambite guceera mabururi-ini ma Ghana na Malawi.

Iceera ria Melania riumanite na miario iria magiire nayo gatagati gake na Margaret Kenyatta thingira-ini wa iregi wa Amerika hindi ya iceera ria president Kenyatta mucii-ini wa Washington mweri wa kanana mwaka uyu. 

Muthenya wa umuthi Melania na murunawe Margaret Kenyatta nimacerire giikaro-ini kinene kia david Sheldrik Wildlife Trust na thutha ucio merekere imwe kwa imwe nginyagia thingira-ini wa iregi kuria makugia na miario.

Mathaa-ini ma miaraho Melania eguceera nyumba-ini ya kuonania unduire niyo Kenya National Theatre kuria akugia na mweke wa kwiyonera unduire utiganite.

 

Show More

Related Articles