Kameme FmKameme Fm NewsKameme News

President Uhuru gucakaya gikuu kia muini nguthi wa nyimbo cia mataaro Joseph Kamaru

Mutongoria wa bururi Uhuru Kenyatta, munini waake William Ruto, na mutongoria wa mung’ethaniro Raila Odinga nimatongoririe bururi hari gucakaya gikuu kia muini nguthi wa nyimbo cia mataaro Joseph Kamaru.

Kamaru akoretwo atekuigua weega kwa ihinda, na akuiriire thibitari-ini ya MP Shah kuria araguthukirio thutha wa kwiihirwo ni mwiri. Muingi niutariirie Kamaru ta muini nguthi ugutuura aririkanitwo niundu wa nyimbo ciake cia mataaro ma kirathi kia iguru, na gucokia ruui mukaro ruuriri-ini rwa Gikuyu.

Kamaru ahurukire eena ukuru wa miaka 79. Aciarirwo mwaka-ini wa 1939, mwena wa Kangema, Murang’a na akiambiriria kuina mwaka-ini wa 1956. Kamaru egutuura aririkanagwo niundu wa nyimbo ciake, ta Muhiki wa Mikosi, Tiga Kuhenia Igoti, Wendo wa Cebe Cebe, Nindarega, Charia Ungi na nyimbo ingi mwaki mwaki.

Aroohuruka uhoro Mzee Joseph Kamaru.

 

 

 

 

Show More

Related Articles